Dili, 10 Marsu 2025 (Média Democracia) – Unidade de Misao para o combate “Stunting” (sigla portuges) (UNMICS) halo identifika Munisípiu Lima (5) ho taxa subnutrisaun aas hamutuk 47%.
Iha Entrevista ho Joel Maria Pereira Diretor Ezekutivu UNMICS hateten, dadus hatudu katak 47% husi levantamentu 2020 ne’ebé hala’o iha Munisípiu Ermera, Ainaru, Raeoa, Aileu no Bobonaro, ne’ebé koñesidu hanesan levantamentu ai-han.
Tuir dadus tinan 2020 nian, ita temi ona katak Munisipiu 5 ne’ebé iha prevalénsia boot liu mak Munisípiu Ermera ho 63%, no Munisipiu tolu hanesan Ainaro, Raeoa, Aileu no Bobonaro nian mk 47%, tuir UNMICS nia levantamentu Peskiza Nutrisaun iha Timor-Leste.” Dehan Diretor Ezekutivu Joel Maria Pereira, ba jornalista sira iha Delta Nova
Iha sorin seluk, Ministeriu Agrikultura no Peskas Gil da Cruz hatete, suporta programa UNMICS atu konvida agrikultór sira iha Timor-Leste hodi bele servisu hamutuk atu nune’e bele kombate malnutrisaun ne’ebé identifika ona husi UNMICS.
“Ministeriu Agrikultura no Peskas fó apoiu tomak ba unidade ida ne’e hodi bolu hamutuk hodi diskute kona-ba planu asaun kona-ba oinsá atu halo redusaun ba malnutrisaun liuhusi kria produtu ka ai-han ne’e diak hodi komunidade Timor-Leste kosumu karik bele hetan isin dia’k no saudavel.” Dehan Ministerio Agrikultura Gil da Cruz
Iha workshop avaliasaun anual konjunta ne’e partisipa husi Parseiru dezenvolvimentu oin-oin no ofisiál Ministeriál hotu ne’ebé envolve iha eventu refere.
Reportajen : Domingas
Foto : Domingas