Dili, 27 Juñu 2025 (Média Democracia) – Uniaun Estudante Universitariu Munisipiu Ermera halo komunikadu imprensa, kona-ba dinamika desızaun politika IX governu konstituisional liga kompremisiu IX governu nian ba konstrusaun estrada sai ona ajenda prioridade ba iha tinan implementasaun, Konferensia ne’e hala’o iha Jardin 05 de Maiu Dili.
Porta-voz Alcinha de Jesus Soares hateten, infelismente saida maka akontese iha desizaun nunu governu nian, haminis ona esperansa sidadaun maioria Ermera, tanba dinamika politika ne’e fó hanoin mai ita katak nunu governu konstituisional hases no des-ovidensia ba kompremisiu ne’ebé sira rasik promete ona ba povu Ermera.
“Ita hatene Munisipiu Ermera iha Postu-Administrativu ne’en (6) hanesan, Atsabe, Ermera Vila, Hatulia A, Hatulia B, Letefoho no Railaco ne’ebé pertense ba Estadu Republika Demokratika de Timor-Leste. Munisipiu Ermera dadaun ne’e sofre ba trauma ituan ne’ebé produz husi Politika IX Governu Konstituisional hodi normaliza de’it kondisaun Estrada, lolo’os ne’e sidadaun hotu-hotu iha Munisipiu hakarak asessu estrada ho dignu ba tempu naruk hodi transporta produtu sira husi área rural ba Kapital, Munisipiu no Nasional.” Dehan Porta-voz Alcinha de Jesus Soares
Nia hatutan estrada iha Munisipiu Ermera la’os ona novidades foun hetan exijensia husi komunidade no estudante Ermera-oan sira kada tinan ne’ebé governasaun troka ba malu mai to’o iha ukun IX Governu konstituisional nia tempu, hetan kompremisiu bo’ot iha tempu kampaña.
“Ami nia governasaun ami sei tau prioridade ba estrada no folin kafé iha Munisipiu Ermera, husi sorin seluk Primeiru Ministru ho Ministetru Obras Publika hamutuk ho Presidente Autoridade Munisipiu Ermera hasoru malu ho komunidade sira iha fatin Nunutali iha loron 8 fulan fevreiru Tinan 2025 parte relavantes sira promete ida ba populasaun sıra.”Dehan Porta-voz
Nia afirma iha kampaña promete ba komunidade dehan estrada Munisipiu Ermera sei halo konstrusaun iha fulan marsu nia laran.
“Prosessu tenderizasaun lao ona hein de’it ezekusaun 3 Kompañia sira ne’ebé tuir tenderizasaun mós agora preparadu ona, iha sorin seluk mós PAM-Ermera dehan ita hein tan tanba presiza halo estudu di’ak hodi halo implentasaun, iha fulan maiu.” Haktuir Porta-voz Alcinha de Jesus Soares
Nia informa PAM-E mós nia liafuan dehan estrada Munisipiu Ermera presija halo estudu viabilidade ida neʼebé kle’an, tanba ho kondisaun udan, depois iha loron 29 fulan maiu tinan 2025 Ministru Obras Publiku mós halo deklarasaun ıda ba povu Ermera katak estrada Munisíptu Ermera sei hein osan emprestimu husi Banku Mundial Depende ba informasaun ne’ebé hetan husi ukun nain sira.
“Hare’e ba desizaun publiku ne’ebé lideransa relevantes sira hola laos ona alternativu ida hodi resolve kondisaun estrada iha Munisípiu Ermera, tan sira habitua ona ho desizaun malahuk sira, hodi habosok nafatin sıra-nia populasaun serius estrada iha Munisipiu Ermera.” Afirma Alcinha de Jesus Soares
Nia informa prosessu normalizasaun Ministru Obras Publika foti laos planu adekuadu ida ne’ebé sira prepara maibé ida ne’e hatan de’it ba preokupasaun husi Administrador Postu Letefoho ho presesu ne’e sira ho hanoin ida atu haterus povu sira ho tendensia, bele hamosu rai rahun no dalaruma udan bele hamosu mós tahu dodook, ikus povu nafatin terus.
“Ami hakarak husu ba Ministru Obras Publiku Estrada Ermera laos normalizasaun mak alternativu, maibé tenki halo konstrusaun tuir kompromisiu ne’ebé promete ona. Ami mós hakarak hato’o ba parte relevantes tenki iha seriedade hodi halo implementasaun tuir saida mak koalia ona ba iha publiku liu-liu povu Ermera oan.” Relata Alcinha de Jesus Soares
Nia haktuir iha biban ne’e hakarak husu ba Ministru Obras Publika favor ida tenki konsisten iha ita bo’ot nia desizaun laos loron ida koalia ida, aban halo fali desizaun seluk, ida ne’e sentidu ita bo’ot prontu ona atu oho ita-bo’ot nia povu sira nia esperansa.
Esplika liután, iha koferensia ne’e UNEUMER husu ba PAM-Ermera tenke hatene papel hanesan aman ida iha Munisipiu Ermera, nune’e tenki hadomi populasaun sira ne’ebé halerik hela ba seriedade, nune’e iha hanoin hodi hadia estrada iha Munisipiu Ermera. Se laos ita-bo’ot mak atu koalia seriu se mak atu representa tan povu Ermera.
Reportajen : Nelfiano
Foto : Nelfiano