Dili, 29 Setembru 2025 (Média Democracia) – Autoridade Protesaun Civil (APC) liuhusi diresaun Xefe Seksaun no Komunikasaun realiza Konferensia Imprensa hodi relata dadus semanal kona-ba akontesementu dezastre naturais iha teritoriu ba semana rua nia laran, konferénsia ne’e hala’o iha salaun APC Caicoli Dili, 22/09/2025.
Xefe Seksaun no Komunikasaun (XSK), Genoveba Fernandes Alves informa, Autoridade Protesaun Civil rejistu kazu dezastre iha semana primeru husi loron 08-15 Fulan Setembru numeru ema afetadu hamutuk 31 tanba kauza husi dezastre ho tipu diferente.
“Hahu iha loron 08-15 Setembru 2025, Durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu, kazu dezastre hanesan, Uma Estragus 7, Anin sobu 6, Rai halai 1, Mate laiha Kanek laiha Prienxe Kriteria 5, Apoiu deit Emerjensia 2, Numeru Ema Afetadus 31, Ema evakua laiha kauza dezastre akontese iha Munisípiu Baucau, Ermera nomos Lautem.” Dehan Xefe Seksaun no Komunikasaun (XSK) , Genoveba Fernandes Alves
Xefe Seksaun hatutan, iha Munisipiu Baucau Postu Baucau Villa Suku Bahu, Aldeia Lamegua, iha loron 31/08/2025 akontese ahi-han komunidade nia uma 1 no tama kategoria aat kaman. Iha Postu Quilicai Suku Uailili, Aldeia Uaimanoboe, iha loron 08/09/2025 akontese anin-sobu komunidade nia uma 1 no tama a’at naton. Suku Lakuliu, Aldeia Lakudalan, iha loron 05/09/2025 akontese anin-sobu komunidade nia uma 1 no tama kategoria a’at kaman. Iha Suku Maloru, Aldeia Warobo, iha loron 06/09/2025 akontese anin-sobu komunidade nia uma 1 no tama kategoria a’at kaman.
“Iha Munisípiu Ermera Postu Ermera Suku Poetete, Aldeia poetete villa, iha loron 06/09/2025 akontese rai halai sobu komunidade nia uma 1 tama kategoria a’at total. Iha Munisipiu Lautem Postu Lautem Suku Maina2, Aldeia Lereado, iha loron 08/09/2025 akontese anin-sobu komunidade nia uma 1. hetan deit apoiu emerjensia. Suku Maina2, Aldeia Lereado, iha loron 09/09/2025 akontese anin-sobu komunidade nia uma 1 no hetan de’it apoiu emerjensia.” Dehan Xefe Sekasaun
Xefe Seksaun informa, Autoridade Protesaun Civil rejistu kazu dezastre iha semana da-ruak nian husi loron 15-22 Setembru numeru ema afetadu hamutuk 108 kauza husi dezastre ho tipu diferente.
“Iha loron 15-22 Setembru 2025 CNOPC-APC rejistu, iha Munisípiu Atauro Anin-sobu uma 1, Munisípiu Baucau ahi han uma 2, Anin-sobu uma 2. Munisípiu Dili ahi-han uma 1, Munisípiu Ermera ahi-han uma 3, Munisípiu Lautem anin-sobu uma 1, ahi-han uma 3, Munisípiu Manufahi ahi-han uma 1, Munisípiu RAEOA anin-sobu uma 1, ahi-han uma 3, Munisípiu Viqueque anin-sobu uma 1, ahi-han Uma 1.” Haktuir Xefe Seksaun
Nia afirma semana da-ruak iha rejiaun Timor-Leste normal no akontese tipu dezastre maka CNOPC-APC rejistu, kazu dezastre hanesan, uma estragus 20, anin-sobu 6, rai halai laiha, prienxe kriteria 11, ahi-han 14, apoiu de’it emerjensia 9, numeru ema afetadus 108, ema evakua 16 ne’ebé akontese husi dezastre naturais.
Esplika liután Komandu APC Munisípiu ho parseirus relevante fornese asistensia emerjensia ba família afetadus sira hanesan Ai-han no laos Ai-han (food item & Non-food Item). Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebé estragus no lakon.
Reportajen : Nelfiano
Foto : Nelfiano