Dili, 26 Janeiru 2026 (Média Democracia) – Provedoria Direitus Humanus no Justisa PDHJ, hamutuk ho ekipa realiza komunikadu imprénsa hodi informa ba publiku relasiona ho fatin eskritoriu provizoriu PDHJ nian, nune’e komesa ba ohin atividade servisu PDHJ nian sei hala’o iha Hotel Excelsior Resorport Pante-Kelapa Dili.
Provedoria Direitus Humanus no Justisa PDHJ Virgílio da Silva Guterres “Lamukan” hateten, ohin atu aktualiza informasuan ba publiku katak PDHJ sei utiliza provizoriu Hotel Excelsior Resorport Pante-Kelapa Dili, tanba daudaun ne’e edifisiu PDHJ nian iha Caicoli sei halo konstrusaun hela.
“Ha’u hakarak atu fó hatene ba públiku kona-ba edifisiu PDHJ nian iha Caicoli daudaun ne’e sei halo konstrusaun, no prosesu tenderlizasaun la’o dala-ruma iha fulan oin. Nune’e hahú ohin ba oin PDHJ sei halo atividade servisu nian iha eskritoriu provizoriu Hotel Excelsior Resorport Pante-Kelapa Dili. Hanesan edifisiu provizório ha’u hakarak apresia ba Governu tanba bele hadia hikas konstrusaun edifisiu foun iha Caicoli.” Dehan Provedoria Direitus Humanus no Justisa PDHJ Virgílio da Silva Guterres “Lamukan”
Provedoria Direitus Humanus no Justisa PDHJ hatutan, atu fó hatene katak, iha fatin ida ne’e, Provizoriu Adjuntu ho Adjunta no Diresaun balun maka iha edifisiu hotel ninia iha prinsipál besik resesaun ne’ebá iha Asistensia ba públiku (DAP), iha kedas entrada portaun oin. Nune’e husu ba publiku bainhira hasoru problema ruma hakarak mai hato’o kexia bele hakatk liu mai Hotel Excelsior Resorport Pante-Kelapa Dili.
“Ha’u mós hanoin Diresaun importante liu mak Dirasaun Asistensia ba públiku, nune’e husu ba maluk no sidadaun sira ne’ebé hakarak hato’o keixa karik, mai iha Hotel Excelsior Resorport, iha kedas entrada Portaun prinsipál, iha liman los ne’ebá Diresaun Asistensia Públiku ba ema hotu.” Hatutan Provedoria Direitus Humanus no Justisa PDHJ
Provedoria relata, iha biban ne’e atu fó hatene ba públiku katak PDHJ eskritoriu muda ona mai iha Pante-kelapa iha Hotel Excelsior tanba ne’e Caicoli hamamuk ona ikus mai prosesu tenderizasaun hotu ona konkursu atu hetan dekontratu, no prosesu konstrusaun ne’e atu hahú ona, ho orsamentu besik millaun walu-resin.
“Ha’u hanoin normálmente prosesu konkursu ka hanesan tender hotu ona, maibé kompañia semak manán ne’e seidauk avizu ba públiku, no kompania rasik ne’ebé manan prozeitu ne’e naran saida, orsamentu hira, durasaun superior saida. Maibé ha’u hanoin projeitu refere lao ona sira sei taka papan. Alende ne’e mós iha selesaun konkursu hala’o husi SNA mk responsabiliza.” Relata Provedoria Direitus Humanus no Justisa PDHJ Virgílio da Silva Guterres “Lamukan”
Esplika liután relasiona ho Komunikadu Imprensa ne’ebé Provedoria Direitus Humanus no Justisa PDHJ realiza atu informa publiku katak daudaun ne’e PDHJ sei halo atividade servisu provizoriamente iha Hotel Excelsior Resorport Pante-Kelapa Dili ho razaun tanba edifisiu PDHJ nian iha Caicoli sei halo konstrusaun foun, nune’e edifisiu remata sei muda fila-fali ba caicoli.
Reportajen : Nelfiano
Foto : Nelfiano