Dili, 24 Abril 2026 (Media Democracia)- Ministru Interior Francisco da Costa Guterres rekoñese peska ilegál barak maibé di’ak tanba foin lalais UPM kaer ema barak maske ho kondisaun mínimu.
“Ho kondisaun ne’ebé iha sira konsege rezolve ita mantein agora dadaun, ohin konselhu mistru iha orentasaun sua eselénsia primeiru ministru ba ministru haat, ministru defesa , ministru interior, ministru trasporte i ministru agrikultor.” Dehan Ministru Francisco ba Jornalista sira hafoin partisipa iha Reuniaun Konsellu Ministru kuarta ne’e iha Palásiu Governu
Nia informa, ministériu haat ne’e halo sorumutuk dalarua ona, nune’e konsellu ministru mós ohin husu iha reuniaun atu kontinua nafatin koordena malu hodi akordu atu prepara kondisoins ne’ebé iha atu nune’e halo patrullamentu kontinua iha área tasi kosta sul nian.
Governante ne’e dehan, kontinua buka tuir nafati no tenke fokus liu halo patrullamemtu ba iha área kosta sul nian.
Nia dehan governu tenta buka ró maibé seidauk iha ho nune’e ró ne’ebé dadaun iha bele uza hodi kontrola.
“Foin lalais UPM ho ninia Ro oan ne’e ida mos nia konsege kaptura Ro bo’ot ida, Hanoin ita bele maske ita iha kondisoe ne’ebé mininu mais sira bele halo servisu Defeza, Agrikultura, ho Trasposte ne’e.” Nia esplika
Antes ne’e, Unidade Polísia Marítima (UPM) realiza ona operasaun prevensaun no kontrolu iha zona maritima Lospalos, ne’ebé rezultadu iha detensaun suspeitu hamutuk 30 pesoál ne’ebé liga ba atividade peska ilegál no agora asegura hela iha prizaun Becora, tuir prosesu investigasaun ne’ebé envolve autoridade kompetente sira.
Komandante Unidade Polísia Marítima (UPM), Superintendente Xefe Eugenio Pereira, informa katak servisu Polísia Marítima kontinua lao tuir nia kompeténsia ofisial iha área marítima, inklui prevensaun no resposta ba atividade ilegál sira ne’ebé akontese iha zona maritima.
“UPM hala’o operasaun baseia ba planu operasional ne’ebé aprova ona, ho objetivu atu asegura seguransa, prevensaun, no kontrola atividade iha área maritima. Operasaun ne’e involve mobilizasaun efetivu no rekursu husi dia 13 to’o 17 fulan Abril,” hateten Komandante Unidade Polísia Marítima (UPM), Superintendente Xefe Eugenio Pereira iha konferénsia imprensa iha Kuartél Jerál PNTL Kaikoli, Segunda-feira (20/04).
Reportajen: Estefania Cardoso
Foto: Estefania Cardoso