Dili, 22 Juñu 2026 (Media Democracia)- Konsellu Imprensa Timor-Leste (CI-TL) fasilta formasaun Cek Faktus ba jornalista Nasionál hamutuk 24 kona-ba Oinsá AI nia impaktu ba servisu Jornalista nian.
Iha diskursu, Diretór Ezekutivu Konsellu Imprensa, António Dias hatete, atividade ohin ne’e hamutuk iha fatin ne’e hodi lolo liman ba malu ho tema treinamentu ne’ebé importante iha vida jornalizmu nian hodi oferese informasaun iha online.
“Ita pelumenus grupu ida ne’e sai hanesan grupu ida ne’ebé responsabilidade atu asegura katak ita hetan fontes ne’ebé di’ak no daduz ne’ebé hetan ona atu nune’e fahe daduz ne’e ba konsumidór sira ho informasaun kualidade.” Dehan Diretor António Dias
Nia haktuir jornalista sira aproveita didi’ak ho liman jornalístiku, imi hatene saida mak presiza no imi uza oportunidade ne’e durante loron lima hodi aproveita asuntu di’ak atu sai jornalista formál, no nia mós dezeja jornalista sira sei tuir formasaun ne’e to’o remata.
Iha biban ne’e Prezidente Konsellu imprensa Interina, Suzana Bui-Rai Carlota Cardoso hatete, formasajn kona-ba Fake Checker ne’e importante tebes iha era dijitalizasaun espera formasaun ne’e bele ajida produtu jornalista sira.
“Liu-liu Ba iha ivestigasaun jornalistiku sira nian, ne’ebé ita hala’o ona iha Maubisse iha ligasaun mós, depois mai tan fali semana rua ba kotuk formasaun hakerek Feature, entaun ida ne’e iha potensiasaun ne’ebé di’ak, oinsa ita boot sira bele halo interpretasaun ba notisia sira, ba ita bo’ot nia produtu sira ho mensagem ka informasaun ne’ebé ita boot- sira rekolla.” Dehan prezidente KI interina Suzana
Nia dehan, bainhira tuir ona formasaun ne’e bele aplika iha servisu fatin atu nune’e bele implementa bazeia ba dadus no faktus ne’ebé ita iha no lia los.
Tanba materia ne’ebé iha ajenda ne’e preferensia tebes ba ita boot sira liuliu área journalizmu ninian.
Reportajen: Estefania Cardoso
Foto: Estefania Cardoso