Dili, 04 Julli 2026 (Media Democracia)- Asosiasaun Defisiensia Timor-Leste (ADTL) selebra loron nasional ba Ema ho Defisiensia (EhD) tanba governu dekreta ona loron 4 fulan jullu hanesan loron importante ba Ema ho Defisiensia sira iha Timor-Leste.
Tuir Diretor Ezekutivu Asosiasaun Defisiénsia Timor-Leste (ADTL), Cesario da Silva hatete, hanesan ita hotu hatene iha tinan 2023 governu dekreta ona loron 04 fulan Jullu ne’e loron Ema ho Defisiénsia (EhD) sira nian hodi selebra ba dala III
“Hanesan ita hotu hatene 2023 governu dekreta loron 4 jullu hanesan Loron nasional ba Ema ho Defisiénsia ida ne’e mudansas ida liu-liu mudansa politika atu garante ema ho defisiénsia nian atu koñese ema ho defisiénsia ne’e ami mos konsidera ida ne’e susesu ida, nasaun barak la iha loron nasional ba ema ho defisiénsia ita hatudu ida ne’e” dehan Diretor Ezekutivu Asosiasaun Defisiensia Timor-Leste (ADTL), Cesario da Silva iha loron nasional EhD iha Autoridade Munisipiu Dili, (03/07/26)
Alende ne’e Diretor ADTL agradese ba governu Timor-Leste no asosiasaun defisiénsia sira nia advokasia ikus mai loron 04 Julli sai loron importante ba Ema ho Defisiénsia (EhD).
“ita agradese ba governo ita nia estadu ita hotu-hotu iha ne’e tanba ita hotu-hotu nia advoka ikus mai loron ida ne’e dedikadu hanesan loron importante ba ema ho defisiensia” nia dehan
Enkuantu iha momentu ida ne’e hodi kontinua alerta nafatin ba entidades sira hodi unifika asaun sira ba direitu Ema ho Defisiensia (EhD)
Asosiasaun Defisiensia Timor-Leste (ADTL) mos koalia bei-beik mudansa iha relasaun ho dezenvolvimentu Timor-Leste nian ne’ebé konstituisaun ho baze legal garante direitu sidadaun ho defisiensia sira nian diak tebes, maibe ema ho defisiensia sira nafatin husu sira nia implementasaun ba alokasaun rekursus sira hodi garante nia implentasaun.
Representante Diretor Nasional koodenasaun Munisipal Planeamentu Formasaun no Asunto Juridiku, Eduardo Casimero de Deus hateten, partisipa iha selebrasaun ida ne’e hodi reafirma komprimisiu ba direitu Ema ho Defisiénsia (EhD) no sosiedade ida ne’ebé inkluzivu iha direitu ba votasaun ho direitu ba eleitu
“Hakarak atu hato’o agradesimentu ho oportunidade espesial ida ne’e, ne’ebé mak fó biban mai ami atu partisipa iha momentu ida ne’e, ne’ebé mak fó espasu ba ita hotu atu reafirma ita nia komprimisiu ba direitu ema ho defisiénsia no sosiedade ida ne’ebé inkluzivu, direitu atu vota no direitu atu eleitu ne’e direitu konstitusional” nia afirma
Ema ho Defisiénsia iha oportunidade hanesan ho sidadaun ne’ebé la ho defisiénsia hodi partisipa iha prosesu eleitoral ho independente, dignu no livre husi diskriminasaun sira
Timor-Leste halo ona progresu importante iha lei no politika publika hatudu komprimisiu atu promove igualidade no labele diskrimina ema tanba de’it nia kondisaun, nune’e ratifikasaun hodi konvense ba ema ida ne’ebé lia los, reafirma responsabilidade estadu atu garante asesibilidade no partisipasaun tomak ba ema ho defisiensia iha moris publiku inklui eleisaun.
Nia hateten, STAE ho parseiru sira kontinua esforsu hodi garante ema ho Defisiénsia sira hodi partisipa iha prosesu eleitoral ho dignu independente ho seguru
“Stae no parseiru sira kontinua halo esforsu atu garante katakema ho defisiensia sira bele partisipa iha prisesu eleitoral ho dignu independente no seguru sira ne’e inklui asesibilidade ba sentru votasaun informasaun eleitoral iha formatu ne’ebé fasil atu asesu, formasaun ba ofisial eleitoral no sensibilizasaun ba komunidade sira atu respeita ema hotu-hotu nia direitu” nia hakotu
Reportajen : Tomás dos Santos
Foto : Tomás dos Santos