DILI- 18 Jullu /2026 Media Democracia- Ministru Agrikultura, Peska, Pekuária no Floresta (MAPPF) hala’o enkontru kooperasaun ho delegasaun Deputadu Provinsia Bali, Indonézia, hodi hametin relasaun bilateral iha setór agrikultura. Kooperasaun ne’e fokus ba dezenvolvimentu agrikultura iha Timor-Leste liuhusi troka esperiénsia, teknolojia no kapasitasaun atu hasa’e produtividade no seguransa alimentar.
Tuir MAPPF Marcos da Cruz hatete Timor Leste foin mak desenvoleve a’an tamba ne’e presiza rona no komprende husi Indonésia liliu iha aréa sira hanesan agrikultura, peska, pekuária no floresta inklui iha aréa turizmu ninian.
“Ohin ami ko’alia kona-ba kooperasaun entre membru husi Parlementu- Bali kompostu husi parte negosiu nian ko’alia liliu hodi hare’e posibilidade atu diskute no serbisu hamutuk liliu iha aréa agrikura peska, pekuaria no Floresta iha Timor-Leste, ne’ebé foin mak dezenvolve a’an presiza rona no aprende husi maluk sira husi Indonésia iha aréa sira ne’e hotu, inklui turizmu, bele fó sira nia hanoin no apoiu serbisu hamutuk iha kooperasaun iha asisténsia teknika nian, liu-liu liga ho agrikultura ne’ebé matenek iha gestaun be’e irigasaun parte pekuaria nian nune’e husu servisu hamutuk ho governu liu-liu MAPPF.” Dehan MAPPF Marcos da Cruz ba jornalista sira iha salaun uma adat MAPPF, Comoro, Sexta feira (17/07/2026.)
Nia akresenta presiza serbisu hamutuk hodi fasilita koodernasaun entre governu liuliu iha MAPPF agora dadaun halo hela serbisu iha Maliana liu-liu iha mota Malibike entre fronteria rua liu-liu Timor-leste ho Indonésia husu kooperasaun ba asinanota entendimentu ida oinsa bele fasilita kontrusaun irigasaun be’e ba komunidade parte rua ninian.
Iha enkontru ida ne’e diskuti mos akordu kona-ba karentina ninian kona-ba kontrola imporatasaun no esportasaun produtu agrikola nian, no iha tempu badak sei partisipa forum negosiu no sei rona husi emprezariu Denpasar Bali nian.
“Karentina ne’e mos importante hodi kontrola importasaun no exportasaun ba produtu agrikola nian ne’ebé mai ho akordu ida, iha parte peska mos iha esperénsia hodi fó hanoin Denpasar Bali mai ita prontu fó asisténsia no sira mos atu konvinda ha’u atu partisipa iha forum negosiu ida ne’ebé sei hala’o iha fulan hirak liu mai hodi rona espresia sira husi emprezariu sira husi Depasar Bali nian”. Nia relata
Nia haforsa sira mos iha emprezariu bo’ot ida husi Depasar Bali iha produtu kona-ba ba kafé ninian iha tempu badak sira sei hasoru malun.
Reportage : Lourenço / Santina Estajiariu
Foto : Santina