Dili, 20 Jullu 2026 (Media Democracia)– Presidente Republika (PR), José Ramos Horta, parabeniza Kompaña Qing Kun Construction Materials Engineering,LDA ba serimónia Inagurasaun ba edifísiu ofisiál no Sentral Produsaun Betaun iha Timor-Leste (TL) hodi redus importasaun material ba konstrusaun.
“parabéns ba komapaña husi Xina,ne’ebé halo prozetu ida ne’e importante, ne’e hanesan integra iha planu jeral Governu nian, para aselera ekonomika no reduz importasaun husi liur.” Dehan PR, Ramos Horta liuhusi diskursu iha serimónia Inagurasaun edifísiu Sentral Produsaun Betaun nian iha Tibar, Postu Admistrativu Bazartete , Munisipiu Liqisa,loron segunda feira (20/07).
Kompañia Qing Kun sei halo fabrikasaun barak iha Timor-Leste, signifika atu atrai Timor oan sira nia pereparasaun ba tékniku profesional fó oportunidade ba sira nomós hatun kustu importasaun no aselera implementasaun prozetu, la persiza hein buat hotu husi rai liur, hodi hamenus osan ba liur.
“Ha’u fo Parabens no agradesementu ba parte Governu no Munisípiu Liquiça neebe iha tempu badak,nee duni hau hatete ba investedor sira neebe mai husi neebe de’it, husi Xina, Japaun, Indonesia, Australia, Koreia, India investedor sira Timor, odamatan loke ba imi para hamutuk estadu ho Governu no emprezariu Timor oan sira tenke buka fo oportunidade ba sira.” nia Afirma
Xefe Estadu ne’e hatete. emprezariu Timor oan parseiru ho emprezariu husi rai liur, bele hamutuk lori rai ne’e ba oin liu tan.
“Ha’u hatene ke membru Governu sira iha reniaun servisu agora, labele demora iha nee,esplika ba nain kompana para apoiu ba imi,tanba Xina relasaun metin ho Timor-Leste,tamba istoria Xina Laos foin hahu ohin maibe tinan barak ona.” Nia adianta
Iha fatin hanesan, Diretor Kompañia Timor Qing-Kun Building Material & Engineering, LDA, LIN KUN hatete kompañia ne’e mak empreza estratéjika ne’ebé hamosu husi kooperasaun pratiku entre Timor-Leste no Xina, Projetu ne’e investe hamutuk husi Guangdong Qingyuan Fengcheng Concrete Co, Ltd. no entidade lider komunitária negosiante xineza iha Timor-Leste.
“Too gora, total investimentu kompanhia nian liu ona milhaun 8 dolar amerikanu, Ami remata ona rejistu kompanhia, konstrusaun edifísiu administrativu, determinasaun fatin pedreira ho baze sientífiku, no instalasaun kompleta liña produzaun betaun.” Dehan Lin Kun
Nia dehan, preparasaun ba fábrike prosesamentu areia no brita, no mos ba fábrika komponentes pré-fabrikadu, hotu ona. Planeadu atu hahú operasaun ofisial iha fulan Jullu tinan ida-ne’e.
Kompañia ne’e harii ona liña produsaun betaun rua neʼebé iha kapasidade produzaun ida boot liu iha Timor-Leste no rejiaun ASEAN. Kapasidade produzaun to’o 400 metru kúbiku kada oras, no kapasidade lorloron to’o 5.000 metru kúbiku, suficiente atu suporta projetu infraestrutura nasionál, estrada, ponte no projetu sosial sira.
Nia informa, liuhusi uza rekursu mina ne’ebé simu ona aprovasaun husi Governu, kompanhia bele fornese betaun espesial ho tempu entre oras 2 to’o 12, no mós fornese kompletu produtu betaun kualidade aas ho rezisténsia husi 10 MPa to’o 80 MPa.
Nia informa, iha futuru, ho suporta husi politika Governu Timor-Leste, kompañia sei introduz progresivamente liña produtu foun sira hanesan komponente prefabrikadu, painél parede betaun, Tubu estaka betaun pré-esforsado estaka kuadradu no box girder.
“ami sei estabelese fábrica simentu lokal, fábrica besi metal/steel mills, no projetu dezenvolvimentu imobiliariu iha Timor-Leste, ho estimativa investimentu total liu husi Dolar Amerikanu Milhaun 100 (US$100 million), atu harii korente indústria materiál konstrusaun ida ne’ebé kompletu hodi apoia dezenvolvimentu infraestrutura nasaun nian.” Nia dehan
Dezenvolvimentu empreza tenke akompaña ho responsabilidade sosial, bainhira projetu neʼe tama operasaun kompleta, sei kria postu servisu direita liu husi 200, no postu servisu indiretamente liu husi 100 iha setór materiais konstrusaun, lójistika no servisu sira seluk.
Material sira hotu hetan aprovasaun husi laboratóriu nasional, fórmula betaun sira hetan validasaun, no ekipamentu medisaun sira rejista no sertifika ona.
“Ami kontinua kumpri rigorozamente lei tributária Timor-Leste nian, fortifika sistema finansas no fiskál, halo deklarasaun no pagamentu impostu sira tuir prazu, no kumpri responsabilidade sosial emprezarial ho integridade no transparénsia.”
Kompanhia sempre kaer metin espírito, “Kualidade Exelente, Negósiu ho Integridade, Kria Empregu no Serve Povu.” Objetivu ami mak kontribui ba benefísiu ekonomiku no sosial neʼebé sustentavel ba Timor-Leste no sai empreza referénsia iha indústria betaun nasional.
Diretór Komapañia ne’e kompromete sei kontinua hakarak servisu ba Timor-Leste, dezenvolve iha Timor-Leste no kontribui ba konstrusaun Timor-Leste.