Dili 02 Abril 2026 (Media Democracia)- Embaixador Japaun ba Timor-Leste vizita Câmara de Comércio e Indústria Timor-Leste (CCI-TL) hodi reafirma kompromisu Governu Japaun nian atu kontinua fó prioridade ba dezenvolvimentu no fortalesimentu emprezáriu Timor-oan sira nian.
Tuir Prezidente Camara Comersiu Industria Timor Leste (CCI-TL )Jorge Manuel de Araujo Senaro Hateten katak Timor-oan sira ho kompania balun komesa halo ona investimentu ba projetu Sira.
“Kompania balun komesa ona Timor-oan sira komesa halo no agora ita mos ezizi kompania estranjeiru sira mai iha ne’e, pelumenus sira halo estrada sira ,envestimentu ,no projetu sira, sira mos investe no ajuda ita nia dezenvilvimentu iha ita nia rai , portantu Timor-oan nafatin husu ba sira atu halo investimentu iha setór hotu-hotu n “.Dehan Prezidente Camara do Comersiu Industria Timor Leste ( CCI-TL ) Jorge Manuel de Araujo iha Salaun CCI-TL (30/04/2026).
Prezidente ne’e mos hatutan katak Iha tinan 2029 Timor-Leste mak sai uma na’in ba ASEAN tenki prepara produtu no explora iha merkadu.
” Tanba ita nia estadu deklara tiha ona sai uma nain ba ASEAN iha iha tina 2029 automatikamente Camara Comersiu sei lidera ASEAN, ita tenki prepara serimonia produtu no aproveita iha mandatu ne’e esplora iha merkadu, iha maluk balun investe haki’ak manu iha Munispiu Liquica. ASEAN ne’e merkadu boot ita labele kompete ho produtu sira seluk ho ASEAN maibe produtu organiku saudavel mundu buka hahan ne’ebe di’ak merkadu, hahan sira ne’ e mak aihan lokal foos rai no produtu sira seluk, iha tempu badak ita iha alternativa ba solusaun iha Timor” nia Informa
Iha parte seluk Embaxadór Japaun, Yamamoto Yasushi afirma Empreza barak husi Japaun interese tebes ba Timor Leste no atu hare nafatin prioridade ba Emprezariu Timor-oan sira.
” Iha futuru kooperasaun entre embaixada ho Camara Comersiu Industria Timor-Leste nian,empreza barak husi japaun ne’eba iha interese tebes kona-ba Timor-leste nia adizaun,hare nafatin preoridade ba emprezariu Timor oan sira, hanesan Japaun sai parseiru ida inportante tebes ba Timor-leste. Agora dadaun sira nia empreza boot halo investimentu iha laleia área renovavel no mos ba fabrika ne’ebé faan ikan kolan sira . Iha espetativa tina 2029 fabrika roo boot iha Timor ho naruk 200 metru fó marka ida foun bainhira lidera ASEAN iha Timor-leste partisipa ida ne’e ko’alia mos asuntu balun, Camara Comersiu iha membru governu Japaun balun promove mos investimentu iha Timor-leste” Dehan Embaxador Japaun Yamamoto Yasushi
Alende ne’e enkontru ne’e, diskute kona-ba koperasaun ba haforsa setór privadu, liuliu apoiu ba pequenas Medius Empresariu (PME) sira, formasaun kapasidade, no fasilita asesu ba merkadu no finansiamentu.
Reportajen: Novita Soares/Baquita
Foto: Baquita