Dili-25 Abril 2026 (Media Democracia)-Prezidente Câmara do Comercio Industria de Timor Leste (CCI-TL), simu vizita husi Embaxadór Uniaun Europeia hodi ko’alia Kona-ba asuntu Dezenvolvimentu Ekonomia no Dezenvolvimentu set”or Empresariu iha Timor Leste.
Tuir Prezidente Câmara do Comersio Industria de Timor Leste (CCI-TL) Jorge Manuel de Araujo Serrano hatete enkontru ida ne’e futuru entre CCI-TL ho Uniaun Europeia Kona ba DeZenvolvimentu setór Empresariu iha Timor Leste.
“Enkontru dahuluk ne’e husi embaixada Uniaun Europeia mai vizita hare futuru parseria entre CCI-TL ho Uniaun Europeia liuliu ba dezenvolvimentu setór emprezaria iha Timor-leste, embaixadór hare katak Timor-leste tama iha Asia oportunidade setor pribadu nasional bele partisipativu di’ak liu iha Asia ne’ebe CCI-TL hola parte iha Asia balun, ko’alia mós ho kondisaun barak embaixadór ho delegasaun rona CCI-TL nia preokupasaun, uniaun europeia fo apoiu finanseiru tékniku kapasitasaun emprezaria sira, sasan barak, no sei iha enkontru inisial ida ho diretór ezecutivu no vice presidente sira sei servisu hamutuk ho gabineti embaixadór tekniku Uniaun Europeia nian” Dehan Prezidente Câmara do Comercio Industria de Timor Leste (CCI-TL) iha Edifisiu CCI-TL (24/04/2026).
Iha Sorin seluk Prezidente CCI-TL hatutan Tenki tau produtu ne’ebe di’ak atu motiva Tan setor privadu hodi investe iha area produtivu
“Timor-leste tama iha Asia tenke tau produtu sira ne’ebé di’ak iha merkadu sira, atu motiva tan setór privadu sira investe iha area produtivu no hadi’a jestaun profisionál ita hare produtu organiku sira investimentu balun lansa ona boot ki’ik iha area kultura no holtikultura, sasan sira ne’e ita prepara ba konsumu nasional no asia. Produtu organiku CCI-TL halo hela levantamentu dadus ida atu verifika lolos emprezaria hira mak iha atividade halo registu ba negosiu sira iha serve, no sertifikadu iha, embaxadór atu investe ba joven sira, feto hira mane hira, empreza boot hira mak kontribui ba empregu hira mak produs ” hatutan Prezidente
Aleinde ne’e Embaxadór Uniaun Europeia Thorsten Bargfrede Hateten oinsa atu ajuda empreza Ki’ik sira nomos empreza foin sa’e sira no Feto Empresariu Sira.
“Iha ami Nia diskusaun ohin ko’alia kona-ba oinsá bele ajuda empreza ki’ik sira, empreza foin sa’e no feto sira oinsá mak sira bele asesu ba bem financeiru, Uniaun Europeia halo hela nia aktividade ida bolu agropresu nian ne’ebe halo servisu ho CCI-TL ne’ebe mak implementa ba programa ida ne’e husi Feto Empresaria sira (AMTL) no ita mós hare oportunidade ba oin nian oinsá mak bele hare ba apoiu negosiu sira liuhusi CCI-TL” Dehan Embasador Uniaun Europeia Thorsten Bargfrede.
Embasador Uniaun Europeia Mos hatutan katak sira Nia apoiu liuhusi Internasional Traid Center nian ba governu ho montante 3 Milhoes Euro.
“Atu apoiu ba Timor Leste ne’e difisil tebes tamba tau hamutuk ho Nia montante ne’bé mak apoiu maibe partikularmente tékniku apoiu seluk ne’ebe mak Ami fo, hatete ba ita bo’ot Sira katak Ami nia apoiu liuhusi Internasional traid center (ITC) nian ba iha governu ho montante 3 Milhoes Euro. Hatutan Embasador Uniaun Europeia Thorsten Bargfrede.
Embasador husi Uniaun Europeia halo vizita ba CCI-TL atu hasoru lideres empresariu no diskute kona ba dezenvolvimentu ekonomia iha Timor-Leste. Iha enkontru ne’e, parte rua ko’alia kona ba oportunidade investimentu, fortalesimentu setór privadu, no maneira atu hadi’a ambiente negosiu. Embasador mós reafirma kompromisu Uniaun Europeia atu kontinua suporta kresimentu ekonomia sustentavel no kria oportunidade ba emprezariu lokál sira.
Reportajen : Estajiada Baquita/Novita
Foto: Estajiada Novita