Dili, 24 Abril 2026 (Media Democracia)- Polísia Nasionál Timor-Leste (PNTL), liuhusi Diresaun Servisu Inveatigasaun Kriminál (DSIC-sigla Portugues) ezekuta mandadu Tribunál Primeira Instánsia Dili (TJPID) bazeia ba NUC NUC: 0285/25.TRDIL, detein kondenadu MSdC hodi kimpri pena prizaun tinan 4 fulan 6.
Mandadu ne’ebé DSIK ezekuta ne’e relasiona ho kazu omesidu neglijente ne’ebé kondenadu envolve, soke mate maktoban Zizelma Maria Verdial iha area Delta Fumentu-II tinan kotuk 2025.
Tuir informasaun ne’ebé Media Democracia asesu husi autoridade seguransa katak, hafoin autoridade DSIK simu mandadu ba detensaun husi Tribunal Judisial Primeira Instansia Dili (TJPID), ekipa halo kedan kordenasaun servisu ho komandu PNTL Munísipiu Manufahi hodi lokaliza dirreta ba kondenadu nia hela fatin hodi detein iha Aldeia Ailuli, Suku Letefoho, Postu-Administrativu Same, Munisipiu Manufahi.
Hafoin DSIK aprezenta mandadu TJPID ne’ebé rejistu ho númeru prosesu NUC NUC: 0285/25.TRDIL, família koopera ho parte seguransa hodi transpota kondenadu husi Manufahi mai iha edifísiu DSIK Kuartel Jerál PNTL Caicoli Dili, hodi halo identifikasaun no sertifikasaun molok lori ba estabesimentu Prizionál Bekora hodi kumpre pena tinan-haat fulan-neen.
Rekorda falı katak iha loron Kuarta (01/04), TR liuhusi Juiz koletivu hasai akordaun ba kazu omesidiu niglijente ne’ebé envolve husi arguidu MSDC hodi rezulta Zizelma Maria Verdiál mate.
Nune’e, liuhusi akordaun ne’e, TR koordena kondenadu MSDC ho pena prizaun tanba faktus provadu kondenadu ninia envolvimentu iha kazu refere.
Husi: Estefánia Cardoso
Foto: Lensa PNTL