Aileu, 21 Jullu 2026 (Media Democracia) – Koordenadór Partidu CNRT Munisípiu Aileu, Rogério Araújo Mendonça, hato’o katak estrutura Partidu CNRT iha Munisípiu Aileu expresa nia lamentasaun kona-ba situasaun ne’ebé atualmente akontese no envolve utilizasaun logo ofisiál partidu CNRT nian. Logo partidu tenke uza tuir regra no objetivu polítiku partidu nian, atu nune’e evita utilizasaun ne’ebé bele prejudika imajen no dignidade partidu iha públiku.
Nune’e mos asinatura husi kuadru politika partidu CNRT iha karta deklarasaun pesoal entre Sr. João Bosco Dos Santos ho Sra Alda Maria Alves ho família sira hotu.
Tuir Koordenador Partidu CNRT Munisípiu Aileu, Rogério Araújo Mendonça, afirma Deklarasaun entre Sr João Bosco dos Santos ho Sra Alda Maria Alves ho familia sira hotu konsidera asuntu privadu no la involve partidu CNRT.
“Hau rasik nu’udar koordenador Partidu CNRT Munisipiu Aileu laiha konesimentu kona-ba asuntu refere,” Ho nune’e Partidu CNRT Munisipiu Aileu observa katak utilizasaun atributu ho logo partidu nia ba interese pesoal kontra tebes estatutu partidu CNRT nian. Tan ne’e, depois rona simu keixa husi vitima Alda Maria Alves parte estrutura Partidu CNRT Munisipiu Aileu kompostu Postu Administrativu hat nune’e ami hola dezisaun realiza konferensia press ida-ne’e iha 20 fulan Jullu tinan ida ne’e. Partidu CNRT nu’udar partidu polítiku ida ne’ebé rekonese feto nia partisipasaun esensiál tebes ba dezenvolvimentu nasionál ho sosiedade ida ne’ebé justu hodi promove igualdade jéneru. Ami komprimetidu katak atu akompaña ho besik liu tan ba situasaun ida ne’e, nu’udar koordenador Partidu CNRT Munisipiu Aileu sublina sei aprezenta situasaun refere no inklui enkamina keixa husi vitima.” Dehan Nia ba Jornalista sira iha konferensia press sede partidu CNRT Munisipiu Aileu, Segunda (20/7/026).
Ho partisipasaun feto ativu iha prosesu foti desizaun tantu iha partidu nia laran no mos iha setor oi-oin, hodi estrutura Partidu CNRT Munisipiu Aileu nia naran solidariediza ba Sra Alda Maria Alves infrenta.
Nia informa tan katak, ba komisaun polítika nasional ho komisaun judisiariu partidu CNRT nia iha nasional atu loke prosesu bazea ba estatutu partidu CNRT nian.
“Iha estatutu partidu CNRT iha artigu 18 ko’alia kona-ba sansaun no dahuluk membru sira bele hetan sansaun ka kastigu disiplina husi partidu CNRT ba sira nia hahalok ne’ebé prejudika no viola prinsípiu partidu CNRT nian. Ho konklusaun ba konferensia press ida ne’e estrutura Partidu CNRT Munisipiu Aileu kompostu husi Munisipiu too Postu Administrativu hat iha hanoin hamutuk hodi hola dezisaun suspende kompaneiru João Bosco Dos Santos husi Sekretáriu Ezekutivu partidu CNRT Munisipiu Aileu. Hodi nune’e loke prosesu investigasaun husi komisaun judisiariu durante supensaun bandu hodi hola parte iha atividade partidu nia hodi hein dezisaun husi komisaun politika nasional. Hau hanoin ita boot sira akompaña iha loron Sesta ekipa sira mai halo infesaun depois iha lokraik simu kedas notifikasaun ba Sr João Bosco Dos Santos atu nune’e nia la bele hola parte iha administrasaun durante fase investigasaun”. Nia hatutan
Entaun atu hatete Administrasaun Publiku agora lao hela signifika presiza ema atu jere , ita akompaña uluk akontese problema iha Munisípiu Bobonaro bainhira iha mudansa iha PAM refere.
Maibé husi nasionál delega sira nia ema hodi priense fatin sira hodi hein nomeasaun husi Munisipiu, aleinde ida-ne’e mos haree fila-fali iha RAEOA ida ne’e hanesan hotu.
Iha estrutura Partidu CNRT iha fígura ida atu ba ezerse ba pozisaun ida PAM ne’e dezisaun iha tiha ona, depois investigasaun ida ne’e remata no nomeasaun ne’ebé mai estrutura sira kontente ho dezisaun iha.
Reporatjen : Tomás dos Santos
Foto: Tomás dos Santos