Dili, 25 Maiu 2026 (Media Democracia)- Polísia Nasionál Timor-Leste liuhusi Eskuadra Na’in-Feto bolu Eugénio Sarmento hodi presta deklarasaun relasiona ho postajen ne’ebé públika iha nia konta facebook hasoru Ekipa Sekretáriu Estadu Asuntu Toponímia no Organizasaun Urbana (SEATOU).
“Ohin parte husi esquadra na’in feto bolu ha’u mai iha ne’e relasiona ho ha’u nia postigan iha ha’u nia pajina facebook hasoru SEATOU.” Dehan Eugénio Sarmento ba jornalista sira Eskuadra Na’in-Feto Segunda ne’e
Nia adianta katak, durante ne’e governu halo buka meius atu dezenvolve sidade Dili sai furak liutan nia sempre promove ba programa governu louhusi nia konta facebook.
“Maibé iha buat balu ne’ebé la di’ak ha’u labele nonok, se buat balu la loos mak ha’u nonok entaun ha’u makerek, ha’u halo Postingan ba asaun ne’ebé SEATOU halo ba ha’u nia oan feto no mane foun sira nia BAR, ne’ebé envez tama ba bolu ha’u nia mane foun ka oan feto husu lisensa katak ho objetivu hanesan ne’e, la’ós tama ba ko’alia ho bainaka sira ne’ebé hemu tua rame iha bar laran no sobu dada’uk ona sem iha koñesimentu husi uma na’in ne’e dehan bandalizmu.” Nia esplika
Nia informa, tinan kotuk polísia ba duni bar refere hodi husu atu redúz volume múzika, maibé fatin ne’é vizinho la barak iha Uma-Kain rua de’it mak besik no uma refere moru aas, SEATOU la halo Notifikasaun ruma ba dirreta de’it.
“Kona-ba asaun ne’ebé SEATOU halo ami ba keixa ona iha tribunal la’ós de’it mai hatan de’it iha Polísia Eskuandra Na’in Feto, ami prepara ona karta ba Ministeriu Públiku tanba ita ne’e iha lei.” Nia afirma
Eugénio Sarmento rekoñese nia sala ne’ebé nia halo, maibé postajén ne’ebé publika iha konta facebook la’os odi partikulár SEATOU.
“ha’u orgullu tanba nia ema ida ne’ebé tegas halo buat hotu, maibé sala ita hotu tenke hadia, ha’u mós sente kontente liu liu ba komandante Esquadra Na’in Feto ho membru sira tanba ba uma ho tatakrama ne’ebé ass ko’alia didiak mai hato’o sira nia objetivu.” Nia rekoñese
Nia parte mós hatete ba parte PNTL katak labele halo povu sai inimigu ba estadu no tenke kria ambiente di’ak.
“ha’u agradese tebes ba Polísia Eskuandra Na’in Feto ne’ebé hala’o atuasaun ba ha’u ohin loron kapás no ha’u orgullu, ha’u prontu presta deklarasaun bazeia ba ha’u nia Postingan.” Nia deklara
Nia parte, sei la hamos nia postajen ne’ebé publika ona iha nia konta ofisiál facebook kona-ba liafuan bandalismo no tanba membru governu tenke hatudu nia diploma ba povu sira.
Iha fatin seluk Komandante Operasaun Polísia Nasionál Timor-Leste Munisípiu Dili Superintendente Asistente Polísia, Luis Amaral informa, bazeia ba SEATOU nia keisa momentu hapara atividade ne’ebé akontese iha sábado iha bar ida ne’ebé hala’o iha tempu kalan toka músika ho volume aas.
“Ho postingan ne’ebé mak Eugénio rasik fó sai iha fecebook mak ami bolu atu husu informasaun kona-ba Eugenio posting iha média sosiál ne’e, husi ne’ebé ami bolu hodi husu tanba iha momentu ne’ebá mós Eugénio rasik laiha fatin ne’ebé halo atuasaun ba.” Dehan Komandante Operasaun Munisípiu Dili ba jornalosta sira iha Komando Munisípiu Dili Caicoli Segunda ne’e.
Komandante Operasaun ne’e dehan, Polísia hala’o nia papél bazeia ba informasaun ne’ebé tama no sempre bolu hodi halo indentifikasaun ba sidadaun sé de’it tuir lei ne’ebé iha.
“Tanba informasaun mai husi SEATOU rasik mai dehan postingan ne’e hakerek parte SEATOU halo brutalismo ba nia asaun maibé ami bolu Eugenio mai to’o iha ne’e, ami husu tuir momentu ne’ebá Eugénio laiha fatin nia rona tutan husi nia oan katak, SEATOU halo brutalismo ba nia oan feto, ho ida ne’e Eugenio la satisfas nia espresaun sira nia posting iha média sosiál.” Luis Amaral informa
Nia adianta katak tuir los Eugénio ba halo keisa iha Provedoria dos Direitus Humanos e Justisa (PDHJ) kona-ba servisu estadu nian ne’ebé SEATOU halo dadaun ne’e.
Reportájen: Estefánia Cardoso
Foto: Estefánia Cardoso