Dili 06 Maiu 2026 (Media Democracia)- Prezidente Repúblika, José Ramos-Horta, hala’o vizita ofisiál ba Edifísiu Sentrál Komisaun Funsaun Públika (KFP) hodi haree funsionamentu instituisaun no reforsa importánsia servisu públiku ida ne’ebé profisionál, imparsiál no orientadu ba sidadaun hotu iha Timor-Leste.
Prezidente Republika (PR) José Ramos Horta dehan servisu iha Funsaun Publika tenki iha kualifikasaun no produtividade no halo reforma, kuidadu ho fuan ba funsionáriu ne’ebé servisu iha KFP la’ós tanba partirizasaun ba ema maibé presiza duni servisu iha nivel barak.
“joven balun ho familia ba sira nia nesesidade rasik, labele inpede iha desizaun, hamonu tiha orden hasai 2 mil ou 3 mil ba númeru hirak mak Timor-leste, presiza duni populasaun, ita nia ekonomia ba nia estadu funsionamentu saida maibe 6 mil inposivel 50% sei aas nafatin. liuliu sistema modernu servisu barak maibe tenki buka alternativa.” Dehan PREZIDENT E Ramos Horta ba Jornalista sira iha edifísiu CFP Matadouru Tersa ne’e (05///05/2026)
Xefe Estadunr’r dehan, Timor oan barak ba servisu iha Australia no Korea ne’e mak alternativa la’os de’it ba ema nia rai hodi haruka osan ba familia no rai laran neneik bele, Timor-Leste iha matenek rezolve funsionariu sira kualidade di’ak liu tan estudu halo avaliasaun ita-nia funsaun públika sei fraku tebe-tebes eintermu kualifikasaun produtividade.
Aleinde ne’e Nia dehan, funsionáriu ne’ebé salariu 5 Mil ne’e Tenki hatun fali Saláriu labele as liu fali Prezidente, Primeiru Ministru, no Prezidente parlamentu.
“Funsionario ne’ebe iha salariu liu 5 Mil ne’e tenki tun iha prezidensia mos ema barak estudu esperiensia balun masteradu doutoradu idaidak koalia lingua oioin maibe sira manan 5 Mil tres mil kuatru mil maximu mak ne’e tamba sira hanesan nomeasaun politika laos funsionariu tinan oin mai ne’e presidente foun ida mai karik sira tenki buka servisu iha fatin seluk tan ne’e situasaun ida espesial i nomeasaun politika mais mesmu nomeasaun politika salariu labele as liu fali presidente ,primeiru ministru,presidente parlamentu,presidente da rekursu,ne’e labele hau la konkorda ho ida ne’e.” Xefe Estadu afirma
Iha vizita ne’e, Xefe Estadu hasoru malu ho Prezidente no Komisáriu KFP sira hodi rona progresu, dezafiu, no programa prioridade Komisaun nian. PR Horta subliña importánsia KFP nian hodi garante funsaun públika ida ne’ebé profisionál, imparsiál, bazeia ba méritu, no livre husi nepotizmu.
Nia parte enkoraja mós funsionáriu públiku hotu atu serví povu ho integridade no dedikasaun, tanba administrasaun públika ne’ebé di’ak mak baze ba boa governasaun no dezenvolvimentu nasionál.
Reportajen :Novita Soares /Baquita Marcal
Foto :Baquita