Díli 23 maiu 2027 (Media Democracia)– Reitór Universidade Nasionál Timor Lorosa’e (UNTL), deklara katak instituisaun sei la tolera kualkér dosente ne’ebé komete aktu asédiu seksuál hasoru estudante sira.
Tuir Reitór Universidade Nasionál Timor Lorosa’e (UNTL), Juviano Antonio da Costa Hateten se’i la tolera ba dosente ne’ebé halo asediu seksual ba estudante sira, nia promete sei foti asaun disiplinar todan tuir lei no regulamentu internu universidade nian hodi proteje integridade no seguransa estudante sira.
“Hau la tolera asediu seksual ita persiza ambiente kondisaun ida ne’ebé seguru ba estudante sira no dosente atu hala’o nia prosesu ensinu no aprendizajen ,ita tenki respeita saida mak seksual ne’e rasik labele halo asediu seksual. Tanba ne’e lalika laran susar ba sira ne’ebé komete iha hotu ona prosesu nia laran para bele hetan sira nia sansaun”. Dehan Reitor Universidade Nasional Timor Lorosa’e (UNTL) Iha Palasiu Governu (22/05/2025).
Reitor UNTL mos afirma, dosente nia knaar atu honorin estudante sira no sai ezemplar ne’ebé di’ak la’os komete asaun asediu seksual
“Tuir Regra ne’ebé ezisti mai iha situasaun ne’ebé akontese daudaun karik sira se’i la hanorin tanba sai profesor tenki sai ezemplar ne’ebé di’ak la’os komete asaun asediu seksual“. Hatutan Reitor UNTL
Dosente ne’ebé halo asédiu seksuál ba estudante mak uza pozisaun no autoridade akadémika hodi halo komportamentu seksuál la simu, hanesan komentáriu la étika kontaktu fíziku la ho konsentimentu, mensajen ho konotasaun seksuál, ka husu favór seksuál troka ho valór no oportunidade estudu.
Tanba ne’e, universidade sira normalmente iha polítika zero toleránsia, mekanizmu keixa konfidensiál, no obrigasaun atu proteje estudante husi aktu ne’e no asegura justisa ba vítima.
Reportajen: Novita
Foto : Novita