Dili, 14 Abril 2026 (Media Democracia)- Polísia Nasionál Timor-Leste (PNTL) rejista Timoroan hamutuk atus rua resin (200 resin) sai vitima ba atividade online Snap Boost, ne’ebé hanesan eskema bosok iha forma “game investment” hodi obriga kliente halo depózitu osan maibé la fo retornu.
Tuir Porta Voz Polisia Nasional Timor-Leste (PNTL), Superitendente Xefe João Belo Dos Reis hatete, Polísia Nasionál Timor-Leste (PNTL) rejista Timoroan hamutuk atus rua resin (200 resin) sai vitima ba atividade online Snap Boost, ne’ebé hanesan eskema bosok iha forma “game investment.
“Hato’o ba públiku katak Diresaun Servisun Investigasaun Kriminal monitorija hela atividade sira ne’e, depois mos simu ona keisa husi vitima na’in rua ne’ebé sente onfendidu ba kazu ne’e, agora ita buka hela maluk sira seluk ne’ebé sente ofendidu lakon sira nia osan ba asaun ida ne’e.” dehan Superitendente Xefe Polísia João Belo dos Reis ba jornalista sira iha edifisiu komandu jeral PNTL Caicoli, Tersa ne’e
João Belo Dos Reis apela ba públiku liu-liu inan-aman sira hotu iha Munisipiu, Postu, Suku no Aldeia sira atu labele fiar ba informasaun husi ema ruma kona-ba investimentu Osan ne’ebé laiha baze legál ruma.
‘’Superintendente Xefe Polísia ne’e promete katak Polisia Nasional Timor Leste (PNTL) liu husi Diresaun Servisu Investigasaun Kriminal (DSIK) sei halo esforsu hodi buka autór sira ne’ebé utiliza esquema Snap Boost hodi bosok ema’’. Dehan nia
Nia imforma, sei kontaktu ho Banku Central Timor-Leste tanba sira mak regularize atividade negosiu relasaun ho Banku nian, PNTL mós sei buka refenrénsia ba nasaun seluk ne’ebé uza metode hanesan para bele justifika prosesu investigasaun ba esquema refere nune’e bele hetan autór sira.
Entretantu, Dadaun ne’e Polísia Diresaun Servisu Investigasaun Kriminal hetan ona lista ba vítima sira hamutuk atus rua resin (200 resi ) ne’ebé ema lohi hodi hatama osan husi dollar rua nulu ($20.00) to’o atus rua ($200.00) husi Rekening no balun hatama dereta ba ema balun hodi halo investimentu.
Reprtajen : Estefania Cardoso
Foto: Estefania Cardoso