Dili, 11 Juñu 2026 (Media Democracia)– Tribunál Judisiál Primeira Instánsia Dili (TJPID), liuhusi Juiz Ivan Patrocino Suritai, halo interogatóriu judisiál dahuluk ba krime roubo ne’ebé akontese iha Paraia dos Coqueiros hodi rezulta Nadine Batista do Carmo lakon vida no Euodia agile do Carmo hetan kanek grave, domingu (07/ 6) foin lalais, ne’ebé envolve husi arguidu na’in rua ho naran inisiál JACDR no MZX.
Iha interogatóriu dahuluk Ministeriu Públiku ne’ebé reprezenta husi Prokuradór Aderito Tilman promove arguidu sira ho krime tolu hanesan krime roubo, ómesidiu niglijente no ofensas integralidade fizika ne’ebé rezulta Nandine lakon vida.
Iha alegsaun ba kazu ne’e, Ministeriu Públiku solisita ba Tribunál aplika medida koasaun prizaun preventiva ba arguido JACDR no MZX ne’ebé na’ok karteira iha Praia dos Coqueiros hodi rezulta vítima Nadine Ribeiro do Carmo lakon vida.
Enkuantu, parte defeza reprezenta husi Defensór Públiku Fernando Carvalho ne’ebé fó asisténsia legál ba arguidu na’in rua, husu Tribunál aplika medida koasaun apresentasaun periódika.
Hafoin Tribunál rona tiha parte hotu, Tribunál adia prosesu ne’e ba tuku 14:00 loraik hodi hasai despaixu ba kazu ne’e.
Reportajen : Estefania Cardoso
Foto : Estefania Cardoso