Dili 13 Maiu 2026 (Media Democracia)- Universidade Hasanuddin (UNHAS) selebra Aniversáriu tinan ida iha Timor-leste hodi implementasaun klase hibridu ba programa Mestradu no Doutoramentu iha Timor-Leste. Aniversáriu ne’e realiza iha Salaun Pusat Budaya, Dili.
Tuir Liaison Ofisial UNHAS iha Timor-Leste, Lucio Marçal Gomes, afirma inisiativa ne’e hahú bazeia ba despaixu Reitór Universidade Hasanuddinho numeru 06823/2024 kona-ba nomeasaun nian nu’udar Lition Observador UNHAS iha Timor-Leste.
“Husi ne’e, ekipa komesa halo rekrutamentu no sosializasaun ba sidadaun sira ne’ebé iha interese atu kontinua estudu ba nível Lisensiatura, Mestradu no Doutoramentu, Iha tinan ida ne’e, ita konvida Reitór UNHAS mai Timor-Leste hamutuk ho Vice Primeiru Ministru atu halo abertura no formaliza klase hibridu nian, legalidade existénsia iha Timor, klase hibridu signifika estudante sira bele tuir aula liuhusi online no offline. Bainhira to’o tempu balun, estudante tenke ba tuir aula direta iha Makassar, Indonézia. Professor sira fahe matéria tuir orariu no kuríkulu, ho kada matéria hanorin husi profesor 4 to’o 5, tuir dadus to’o ohin loron, estudante Timoroan ne’ebé rejista iha UNHAS hamutuk 197, Doutoramentu 85, Mastradu 97, no Lisensiatura 15”. Dehan Liaison Ofisial UNHAS iha Timor-Leste, Lucio Marçal Gomes, (12/05/2026).
Nia haktuir Programa sira ne’e fahe ba rua, Multi Disiplinar iha Paska Serjana no Mono Disiplinar iha fakuldade idak-idak. Fakuldade Sanulu resin ualu (18) iha UNHAS loke kuaze 300 programa ba Mestradu, husi estudante Doutoramentu ne’e, 80% hatete sira konklui ona proposta no hahú tama ba faze peskiza, topiku peskiza foka ba situasaun no potensialidade Timor-Leste nian.
Reprezentante Governu Indonézia, Bunga Malewa hato’o apresiasaun ba kooperasaun ida ne’e sai hanesan forma koperasaun entre maun-alin rua ne’ebé iha relasaun besik, no investimentu di’ak ba dezenvolvimentu nasaun ida-idak.
“Mekanizmu hibridu mak estratéjia di’ak atu adapta ba mudansa tempu no teknolojia, nia mós fó parabéns ba publikasaun livru husi Lucio no hatete katak kualidade UNHAS iha Timor-Leste la’ós, prezensa Doutór Lucio ho nia obra sira, inklui livru barak, sai prova katak graduadu UNHAS iha kapasidade hodi kontribui ba nasaun,rekrutamentu foun sei loke fila fali iha iha fulan Fevereiru 2026. Prosesu rejistu no teste potensiál akadémiku no Inglés sei hala’o online hotu. sira ne’ebé passa sei simu informasaun husi Liaison Officer UNHAs iha Timor-Leste”. Dehan Bunga Malewa
UNHAS iha fakuldade 18 no programa Pós-Graduasaun boot rua, programa hibridu ne’e hetan apoiu husi kooperasaun bilaterál Indonézia-Timor-Leste, nomos Timor-leste sei selebra tinan 24 ba loron Restaurasaun Independénsia 20 Maiu 2026.
Reportajen : Juliana/Novita
Foto : Juliana