Dili, 07 Maiu 2025 (Média Democracia) – Prezidente CCLN deklara Ohin dader simu novidade triste ida ne’ebé hafanun Konselho veteranu sira lakon veteranu diak ida hanesan veteranu Ernestu “Dudu” ne’ebe hakotu ona nia peregrinasaun.
Prezidente CCLN, Vidal de Jesus “Riak-Leman” hateten, lori Veteranus Timor-Leste tomak, hodi fó sentidu kondolénsia bá família enlutada sira. Ita-hotu lakon ita-nia Veteranu di’ak ida, Saudozu DUDU iha 1991, fanun ami ho Komandante Ular, ami mai iha rejiaun IV, halo konferénsia rejionál no atividade iha Fatubessi, no hodi tau nia (Saudozu DUDU) bá Kolaboradór da Rejiaun IV, Nune’e ultimu kargu ne’ebé nia assume nia 1991.
“Ohin loron ita hanoin barak, ita lakon ema di’ak ida, Saudózu ne’e nia komportamentu, nia hahalok, dala-ruma ita hira iha ne’e mós la to’o karik, nia nunka si’ak, nia halibur ema hotu, halo gerilla iha rejiaun IV liu-liu iha Ermera ne’ebá.” Lia hirak ne’e hato’o husi Prezidente CCLN hafoin maktoban Dudu presta Omenajen ikus iha CCLN, Dili.
Nia hatutan iha 1992, Maun-Boot Xanana bá iha ne’ebá hodi fó kilat MR15 ne’e bá nia, hamutuk iha ne’ebá, komandante Deker sira no sira lubuk ida mak iha ne’ebá hotu-hotu rona nia, nia dehan tun, hotu-hotu tun, nia dehan sa’e hotu hotu sae. Maibé nia si’ak laiha, nia ne’e koalia ne’e mamar hela de’it. Ita lakon ita-nia Gerilleiru (funu-na’in) di’ak ida. Atu dehan de’it katak, saida maka nia halo iha funu laran sei la lakon iha ita-nia memória, liu-liu bá família.
“Ami kuandu akompaña iha ne’ebá, bá ha’u, komandante ULAR, ami na’in-hira bá iha ne’ebá, nia koalia mós Gerilleiru sira mós rona, no povu mós fiar nia, maibé agora nia fila hikas ona ba Maromak nia kadunan santo, dalan mak ida ne’e, liu-liu bá Veteranu sira, mesak katuas hotu ona, ne’e mak baibain ha’u dehan, ita sira ne’e dala-ruma tinan sanulu mós la to’o karik, iha konsellu ne’e lakleur, ida husi Lospalos, lakleur ida husi Vikeke, lakleur ida husi Suai, mak mate iha ne’ebá, mais maka ne’e, ita sees la-di’ak, Maromak mak determina, dehan katak, loron ida bá ita tenke bá ona hanesan ohin ita nia veteranu Dudu husik ona mundu ida ne’e.” Hatutan Prezidente CCLN, Vidal de Jesus “Riak-Leman
Nia reafirma, husu ba saudozu nia oan ka nia señora iha ne’e, no saida maka nia halo bá rai ida ne’e, ita hotu la haluha, no nafatin sei konta ba jerasaun foun sira kona-ba Gerilleiru di’ak ida ne’ebé ho naran kodiku “Dudu”.
Reportajen : Domingas
Foto ; Domingas