Dili 14 abril 2026 (Media Democracia)- Ekipa Autoridade Inspensaun Fiskalizasaun Atividade Alimentar, Institutu Publiku, (AIFAESA), Trimestre Dahuluk (QI), avaliasaun hodi halo planu asaun anual ba orsamentu estadu.
Tuir Inspetora AIFAESA, Odete Maria Viegas hateten planu asaun anual ba orsamentu estadu tanba orsamentu jeral estadu seidauk exekuta.
“Hanesan ohin ha’u koalia mos katak hahu ita nia planu asaun anual ba orsamentu estadu felizmente AIFAESA hetan iha 2026 orsamentu 2.1 milaun, ba de’it salariu 1.37 entaun orsamentu jeral estadu ne’ebe mak iha hala’o exersisiu ba servisu inspesaun nian ami konsentra iha Munisípiu Dili tanba orsamentu jeral estadu seida’uk ezekuta entaun, ami hamenus gastu limitasaun rekusus ne’ebé iha mai konsentra iha Munisípiu Dili fahe ba Postu-Administrativu haat (4). Dehan Inspetora AIFAESA, Odete Maria Viegas iha Edifisiu Matadoru AIFAESA.
Inspetora hatutan tan katak, sei presiza nafatin rekursu Umanu no apoiu ba transporte
‘’ Iha 2026 orsamentu kapital menor hodi sosa kareta Vaskolante ( truk) ida ho kareta moveis ho laboratoriu nian moveis ba laboratoriu ne’e atu bele foti sampel ne’ebe ita hala’o iha Dili laran, ita mos bele moviliza iha Munisípiu, kareta truk nia presiza tebes, tanba ita tu’un halo inspensaun ita hetan hahan ruma ne’ebé mak expair no hahan ruma estragadu tenke tula diretamente ba Vaskolante (truk) hodi ba halo distribusaun iha tibar, agora iha prosesu nia laran maibé ba oin presiza nafatin apoiu transporte, agora ha’u mos fó hanoin ba governu iha nia regras limitasaun kareta instituisaun hotu-hot,u maibé presiza mos tetu katak instituisaun ida ho seluk la lahanesan presiza haree atu nune’e apoiu maximu de ternus ba rekursus. Dehan nia
AIFAESA hala’o avaliasaun interna hodi analiza rezultadu servisu no utilizasaun orsamentu husi tinan anterior, Avaliasaun ne’e fó informasaun importante kona-ba pontu forte no fraku, inklui ezekusaun programa, rekolla reseita no fiskalizasaun iha área komérsiu, indústria no turizmu.
Bazeia ba rezultadu avaliasaun, AIFAESA halo planu asaun anual atu asegura utilizasaun Orsamentu Jerál Estadu (OJE) ho efisiénsia no efetividade. Planu ne’e inklui definisaun prioridade, distribuisaun rekursu, no estratéjia atu hasa’e kualidade servisu no kumprimentu lei nian.
Reportajen: Nelia Freitas/ Leonizia Estajiada
Foto : Leonizia Estajiada