Dili 03 Juñu 2026 (Media Democracia)- Ekipa Validasaun ba dadus frente externa intrega ona lista Veteranus hamutuk na’in 118 ba Ministériu Asuntu Kombatentes Libertasaun Nasionál hodi hala’o verifikasaun molok taka sai ba públiku iha tempu badak
Tuir Ministériu Asuntu Kombatentes Libertasaun Nasionál Gil da Costa”Oan Soru” hatete, horseik no ohin ekipa validasaun ba dadus veteranus iha frente externa halo validasaun ba veteranus hamutuk na’in 118 no ohin ekipa intrega ona ba Ministériu Asuntu Kombatentes Libertasaun Nasionál, depois Ministériu. Asunto Kombatentes Libertasaun Nasionál ho Konsellu Kombatentes Libertasaun Nasionál verifika hafoin taka públiku iha tempu badak.
“Dadus seida’uk anúnsia ita boot sira balun ohin balu hasa’i fotografer ema totál hamutuk 118, iha ne’ebá ne’e iha diferente durasaun partisipasaun, agora ohin sira asina iha tinan kotuk liu ba sira ekipa mak duni no ohin sira mak ami halo kontínuasaun ba verifikasaun ne’e atu nune’e sira bele valida aprova hasai nia edital sira, mais edital sira seida’uk efetivu hein aban Prezidente ho Sekretáriu CCLN asina ikus mak foin anúnsio ba públiku no sei anusiu ba iha nasaun sira iha li’ur pur ezemplu Austrália, Portugál ba sira ida-idak nia partisipasaun tuir buat ne’ebé mak mensiona ona iha sistema baze dadus,” dehan Ministériu Asunto Kombatentes Libertasaun Nasionál Gil da Costa”Oan Soru ba Jornalista sira iha Salaun 3 de Marsu Maubai, Komoro, Tersa(02/06)
Nia dehan ko’alia kona-ba eskalau ida, rua no tolu, eskalau ida-ne’e katégoria ba 20 até 24.
” Por ezemplu dois ne’e ko’alia kona-ba ko’alia kona-ba 15-19 agora sira seluk ne’e ba iha 8-14 balun la to’o porque iha ne’ebá ohin ita bo’ot akompaña kedas sira asina hotu mais iha balu ne’ebé mak la’ós kombatentes tanba atu rekoiñese nu’udar kombatentes nia partisipasaun ne’e no minimu ne’e tenke tinan tolu, tuir artigu 4 iha estatutu kombatentes libertasaun Nasionál kuandu la too ida ne’e atualmente lae, ne’e partisipasaun enjéral de’it la’ós dedikasaun exklusivu,”nia dehan
Nia esplika kona-ba lista ida ne’e indetifkasaun ne’e ekipa validasaun ohin liu mak identifika la’ós Ministériu Asunto Kombatentes Libertasaun Nasionál mak idetifika.
” La’ós Ministru mak idetifika, Ministru ne’e lídera instituisaun ne’ebé mak tutela ba asuntu ne’e maibé idetifika mós ka la’ós sira na’in hirak ekipa ne’e mak identifika, tanba verifikasaun ne’e sira mak halo,”nia esplika.
Nia haktuir hafoin lista ne’e taka sai sé de’it mak halo kontestasaun, kuandu iha infomasaun atu halo kontestasaun tenke tuir lei.
” Tanba ne’e mak ita bo’ot sira atu anúnsiu ne’e ha’u dehan la bele nia prosesu sei tuir ami taka ba públiku kuandu iha reklamasaun ruma no kontestasaun ruma no protestu la iha ona mak ita foin dehan lista ne’e definitivu mais kuandu ema sei iha direitu atu halo reklamasaun ema sei halo reklamasaun tuir lei envigor, ne’ebé ami sei fó tempu ba sira atu halo reklamasaun no kontestasaun ami halo tuir lei de’it, ami sei halo la sees husi lei ida,” nia haktuir.
Entretantu ekipamentu verifikasaun dadus frente externa ne’e halo durante loron rua iha Salau 3 de Marsu Maubai hahú husi loron 01 to’o loron 02 fulan Juñu 2026, ekipa lidera husi Sekretáriu Jerál Partidu FRETILIN Mari Alkatiri, Ministru Agio Pereira, Estanislau Aleixo da Silva, no Treiseira Vise Presidente CCLN Ines de Almeida, no seluk tan.
Reportajen: Baquita Marcal/Novita Soares
Foto : Novita Soares