Díli – 03 de Juñu 2026 (Media Democracia)– Rede ba Rai hatan ba deklarasaun Ministru Justisa, Sergio da Costa Hornai, ne’ebé aprezenta ba Parlamentu Nasionál kona-ba kazu despeju administrative iha Aimutin Postu Penal hodi hola pozisaun no preokupasaun ba prosesu despeju inklui impaktu ba komunidade afetadu sira no husu transparénsia no justisa iha implementasaun lei.
Advogadu Júlio da Silva hateten deklarasaun ne’ebe Ministru Justisa hato’o iha plenária Parlamentu Nasional laiha desizaun no la tama iha prosesu juridisiariu ne’ebé bele halo Deklarasaun.
“Prosesu hanesan ohin deklarasaun Ministru dehan laiha desizaun sira ne’e halo prosesu kadastru fó biban ba ema ne’ebé rejistu rai estadu maibé hare mapa, oportunidade ema seluk, latama iha prosesu juridisiariu ne’e bele halo deklarasaun la bandu ba ema hotu no na’in ba pasera terenu parte estadu mos deklara fo oportunidade ba ida ne’e husi ministeriu justisa rasik la orienta .”Dehan Advogadu Julio Da Silva iha Salaun Rede ba Rai Farol kuarta ne’e.
Nia afirma, se ema hela iha rai ne’e priense kritéria no tenki loke levantamentu kadastru hodi fó oportunidade ba hirak ne’ebé halo reklamasaun.
“tamba prosesu juridisiariu laos ema hotu iha(52) familia laos hotu-hotu tama iha ne’eba ,Apenas ema nain(2) iha disputa ho kompania LitaStore,ministru deklara iha parlamentu nasional ne’e tuir deklaraun lavenkula la kesi ema sira ne’e la hola parte iha prosesu juridisiar ne’e,ema sira hela iha laran nee konsidera laiha titlu saida mak estadu halo.” Nia dehan
Iha Sorin seluk, Advogadu Rede ba Rai Olivio Barros Afonso, diskontenti ho deklarasaun ne’ebé Ministru Sergio Hornai hato’o ba komunidade afetadu ba kuaze deklarasaun ne’ebé hato’o la koresponde ho atuasaun saida mak komunidade sira hasoru.
“ami nia sentimentu diskontenti ituan ho deklarasaun ne’ebe mak ita nia sua selensia ministru hato’o loron hira liu ba liga ho ita nia komunidade sira ai-mutin ne’ebe afeitadu prosesu despeiju ne’ebé mak sira halo é saida mak ministru esplika husi ami ekipa legal rede ba rai ida ne’e nian ne’ebé mós observa direita durante halo akonpanhamentu ba iha ita nia komunidade sira ne’ebe mak sai vitima ba iha prosesu ida ne’e,” nia adianta
Representante Komunidade afetadu despeju administrative Aimutin, Juliana Belo hateten daudaun ne’e sira nafatin tur iha be’e leten no iha presaun nia laran tamba ne’e persija Ministru Justisa nia klarifikasasun ne’ebe los no justa.
“husi momentu ne’ebé husi ministro hato despaisu to agora hatuun deit despasu, maibe laiha klarifikasaun iha ne’eba mós ami nafatin tur iha béé leten e iha presaun boot nafatin mai ami no ami-nia oan sira to’o agora labarik sira tauk atu ba eskola, tamba ne’e, ami husu ba exelénsia Senhor Ministru ne’ebé mak parte kompetente boot liu iha terras de propriedades karik bele ami presiza ita-boot nia klarifikasaun lós no justa ba ami nia direitu ida ne’e.” nia solusita
Juliana afirma katak se Ministru no Sekretariu Estadu Terras no Propriedade mak nonok de’it hanesan ne’e ho intervensaun mosu tan iha,’Parlamento ne’eba halo sira dúvida liu tan to’o ohin loron tur la hakmatek la hakmatek.
Rede ba Rai hamutuk ho komunidade afetadu despezu administrativu iha Postu Penál, Aimutin realiza konferénsia imprensa ne’ebé espresa preokupasaun ba prosesu despeju, impaktu ba komunidade afetadu sira, no husu Governu atu asegura transparénsia, diálogu, no justisa ba sidadaun sira ne’ebé afetadu.
Reportajen :Novita Soares /Baquita Marcal
Foto:Baquita