Dili-17 Abril 2026 (Media Democracia)- Ministeriu Agrikultural, Pekuaria ,Peskas e Floresta (MAPPF) liu husi Diresaun Nasional Estensaun formasaun Agrikola asina nota entendimentu ho Radio Komunidade Munisipiu sia (9), hodi dezamina Informasaun jeral kona-ba atividade Ministeriu nian.
Tuir Sekretariu Estadu Floresta Fernandino Viera da Costa Hateten katak objetivu husi asina akordu Ida ne’e hodi fo Desiminasaun no informasaun iha teritoriu tomak.
“Asina akordu hamutuk ho Radio komunidade iha Munisipiu sia (9) Ili Wain-Manatutu, Maliana-Bobonaru, Tatamailau-Ainaro, D. Boanventura Manufahi, Cova Taroman-Covalima Povu Viqueque-Viqueque, Lospalos-Lautem Lian Matebian-Baucau, no Atoni Lifau-RAEOA, nia objetivu atu fahe Desiminasaun no informasaun ba komunidade sira iha teritoriu tomak, Liu Liu iha Munisipiu sia (9) ne’ebe mak asina akordu Ida ne’e ba dezenvolvimento iha setór Agrikultura, Pekuaria Peskas e Floresta ne’ebé iha teritoriu tomak . Objetivu akordu Ida ne’e atu bele kesi entre Ministeriu Agrikultura, Pekuaria, Peskas e Floresta ho Radio komunidade Sira iha Munisipiu hodi fahe informasaun ne’ebé ligadu ho Dezenvolvimento setór Agrikultura nian, hodi nune’e ita nia komunidade sira mos bele partisipa no bele fó sira nia kontribuisaun ba Dezenvolvimento setór Agrikultura nian iha nasaun Ida ne’e.Dehan Sekretariu Estadu Floresta Fernandino Viera da Costa iha salaun MAPPF (15/04/2026).
Iha Fatin hanesan Diretor Nasional Estensaun Formasaun Agrikola Januari Marcal Hateten asina akordu ho Radio komunidade sia (9) ne’e no sei abranje tan Munisipiu tolu hanesan Ermera, Likisa no Aileu iha Fulan tolu ou ha’at oin mai .
“Tinan ida ne’e ita nia orsamentu ba iha Diresaun Nasional Estensaun no Formasaun Agrikola Liu Liu Departametu media, Estensaun orsamentu ida ne’e atu servisu hamutuk ho Radio komunidade Sira ne’ebé hahu inisia husi 2023-2025. Ohin asina akordu Ida ne’e iha Munisipiu sia (9) deit ,maibe iha Fulan tolu ou ha’at oin mai sei abranje tan Munisipiu Likisa, Ermera no Aileu. Hahu husi memorandu ida ne’e Radio komunidade sira iha obrigasaun nomos responsabilidade hodi desimina informasaun sira ne’ebé mak relasaun ho dezenvolvimento setór Agrikultura iha subsetór importante bo’ot lima ka ha’at iha Ministeriu. Dehan Diretor Nasional Estensaun Formasaun Agrikola Januari Marcal.
Aleinde ne’e Jestora Radio komunidade Baucau Dulce Santina Belo Senti orgulhu tanba ho programa ida ne’e bele envolve Radio komunidade sira hodi transmite informasaun ne’ebé Ministeriu Sira hala’o iha kada Munisipiu.
“Ha’u Senti orgulhu tanba bele envolve Radio komunidade sira Nia partisipasaun hamutuk ho MAPPF kada Munisipiu atu bele hatutan informasaun sira ba komunidade iha area rural. ami garante katak ho kooperasaun ida ne’e Diretor Agrikultura Munisipiu sira tenki kolabora diak ho ami nune’e atividade saida de’it mak sira hala’o bele involve Ami’’. Dehan Jestora Radio komunidade Baucau Dulce Santina Belo.
Ministeriu Agrikultura, Pekuaria, Peskas no Floresta (MAPPF) hasina akordu ida ne’e radiu komunidade sira hodi fortalece komunikasaun no divulgasaun informasaun ba komunidade rural no liuhusi parceria ne’e, rádiu sira sei transmite informasaun kona-ba téknika agrikultura, hakiak animal, peskas no konservasaun floresta, atu hasa’e konesimentu no produtividade komunidade. Akordu ne’e mos fó oportunidade ba rádiu komunidade sira atu partisipa ativamente iha dezenvolvimentu no edukasaun públiku iha área rural.
Reportajen : Bakita / Juliana
Foto : Bakita / Juliana