Dili, 28 Julho 2026 (Media Democracia)- Porta Voz PNTL Superintendente Xefe Polísia João Belo dos Reis informa, iha sábadu kalan (26/07), halo desmantelasaun Scam Call Center ida iha Hotel WL Word área Krisu Rei, iha operasaun ne’e detekta ema hamutuk 30 kompostu husi Sidadaun xineza nain- 29 no nain 1 husi Laos (Laos PDR).
“Agora dadaun sira nain hira nee iha sela detensaun parte comoro nian no oras ida ita sei aprezenta ba Tribunal.” Dehan Portavoz PNTL liuhusi konferénsia Imprensa iha Kuartel Jeral PNTL Caicoli Dili
Aleinde ne’e, horkalan mós ekipa Servisu Migrasaun hamutuk ho DSIK halo tan operasaun iha parte Comoro ne’ebé deskonfia fatin halo scham call Centre.
“Ita kaptura sidadaun estranjeriu hamutuk nain-62 ne’ebé kompostu husi sidadaun Indonezia nain-28, Sidadaun Xina hamutuk 33 no Sidadaun India nain-1.” Nia informa
Sidadaun hirak ne’e dadaun DSIK halo hela prosesu indentifikasaun no iha tempu badak sei aprezenta ba iha Ministériu Públiku.
Tanba ne’e Komadu Jerál liubusi Porta voz PNTL apela ba komunidade sira katak Seguransa no Defeza Timor-Leste demostra ona ba komunidade ita nia determinasaun atu proteze ita nia sobrania nasional ordem publika no Bens estar timor nian.
Jogu online Scam Call Center sai ona forma modernu sufistikadu husi kriminidade neebe esplora konfiansa espransa no dala barak vulnerabilidade ba ema nia.
“Vitima husi frau ida nee lakon sira nia ekonomu sira nia diginidade iha kazu balu sira mos saude mental” nia adianta
PNTL mós la permite ita nia rai hanesan plataforma ba atividade freleratoriu ida nee, aleinde ne’e PNTL kontinua komprimitidu fo misaun atu servi no protese sidadaun sira.
Mensajem ba redi Krime internasional Timor-leste laos rai neebe mak seguru ba sira atu halo operasaun ba atividade krime ida nee.
“Ema ne’ebe mak tenta atu uza teritoriu no tasi ba espasu dijital ba sira nia atividade ilijitu sira ita sei halo resposta neebe mak firmi kornenada no aplikavel ho ita nia Forsa seguransa sira.” Nia afirma
PNTL mós apela ba sidadaun sira atu mantein Vizilante atu halo denunsia kualker atividade neebe mak suspeita ba iha indikasaun krime nian iha eskudra neebe mak besik, nunka atu trasmite dadus pesoal kodigu Banku nian ka osan ba ema neebe mak ita la hatene ou ema neebe mak ita la konese iha Internet.
Iha biban ne’e, Porta Voz ne’e mós Agradese ba instiruisaun parseiru sira hanesan Servisu Imigrasaun, Servisu Informasaun, Autoeidade Maritima, Falentil Forsa Defeza Timor-Leste (F-FDTL), Autoridade Arenai ba servisu diak tomak no kordenasaun neebe halo ona hodi responde ba krime Trasnasional sira iha rai laran.
Reportajem: Estefania Cardoso
Foto: PNTL