Díli 12 Juñu 2026 (Media Democracia)- Estudante Universitáriu Timor-Leste (EUTL), realiza Konferénsia Imprensa hodi manifesta nia rejeitasaun ba proposta kriminalizasaun defamasaun no injuria. EUTL konsidera norma ne’e sei fó podér liu ba ema iha podér hodi silénsia kritika públiku, hapara debate demokrátiku, no kontra Konstituisaun RDTL ne’ebé garante liberdade espresaun ba sidadaun hotu.
Iha komunikadu imprensa Porta-voz Estudante Universitariu Timor Leste (EUTL) Joelfin Loi Ximenes Varela, Hateten objetivu husi komunikadu imprensa ne’e atu kontra total ba desizaun injustu ne’ebé parte husi Parlamentu Nasional hodi altera Lei Kriminalizasaun defamasaun no injuria.
“Ami halo komunikadu imprensa ida ne’e atu kontra total ba desizaun injustu ne’ebé hosi parte Parlamentu Nasional hodi altera Lei Kriminalizasaun Defamasaun no Lei Kriminaliza Difamasaun. Hanesan istórikamente hatudu tiha ona katak, desizaun ne’ebé la-favór no la-justu husi Parlamentu Nasional iha konsekuénsia boot ba sosiedade Timor-Leste. Hanesan alterasaun ba lei pensaun vitalísia, alterasaun ba lei mandatu no alterasaun ba lei pensaun mensál vitalísia sosiedade sivil no povu na’in barak kontinua hakruuk tanba desizaun ne’ebé la hanoin ba povu tomak.”Dehan Portavoz Estudante univesitariu Timor Leste Joelfin Loi Ximenes Varela iha Salaun Universidade da paz (11/06/2026).
Nia afirma tan sei hato’o presaun ba KPDHJ kritika no presaun Liu husi media sosial ne’ebé fundamentu mak baze ba Democracia.
“Ami hato’o presaun onrik husi KPDHJ katak sidadaun hodi halo kritika no espresaun liu husi média sosial, ne’ebé fundamentu mak baze ba demokrásia. Nune’e mos liberdade espresaun no imprensa hanesan fundamental ba dezenvolvimentu no justisa sosial. Tanba ne’e ami hato’o apelu ba dezenvolvimentu ema nian no nu’udar pilar ba dezenvolvimentu ne’ebé sustentável, no mai hodi hakbesik karakterístika demokrátiku no livre husi korupsaun no boa governasaun.”Afirma Portavoz
Iha Sorin seluk tuir Fidelio Cardoso, Hatutan katak karik Parlamentu Nasional la resposta no hamenus Lei Kriminalizasaun ne’e estudante sira se’i halo asaun demostrasau hanesan tinan kotuk.
“Karik elit politiku sira lakonsidera no la resposta lahamenus la diskute lei kriminalizasaun maka ami na’in hira sei halo asaun pasifika ida ne’ebé la diferénsia dook iha tinan hirak liu ba estudante universitariu halo ne’ebe akumula kamada sosial sira hotu inan aman no estudante hotu-hotu ezizi direitu povu nian, hanesan horseik Prezidente Republika (PR), José Ramos Horta nia afirmasaun nia deklarasaun ba publiku katak lei kriminazasaun “Dehan Representante estudante EUTL
Sira alerta katak lei ne’e ameasa liberdade espresaun no liberdade imprensa, tanba bele kriminaliza kritika no debate públiku. EUTL husu ba Parlamentu atu respeita Konstituisaun no hasai artigu sira ne’ebé limita direitu sidadaun nian atu ko’alia no kontrola poder estadu.
Reportajen: Baquita Marçal/Novita Soares
Foto:Novita Soares